ГАУСО "Комплексный центр социального обслуживания населения в городском округе "г. Казань"

Гаилә һәм балаларга социаль ярдәм бүлеге белгечләре балигъ булмаган балалар өчен хокук культурасы дәресләрен уздыралар

   8нче апрель, дүшәмбе, 2019нчы ел

   “Хокук культурасы дәресләре” циклы кысаларында Киров районы гаилә һәм балаларга социаль ярдәм бүлеге белгече, социаль яраклашуда авырлыклар кичерүче балалар өчен, “Киләчәкне сайлыйбыз” төркемле шөгылен уздырды.

   Шөгыльнең максаты: балигъ булмаган балаларга хокуки аң-белем бирү, РФ гражданының төп хокуклары һәм бурычлары белән таныштыру, законнарны үтәүгә җаваплы мөнәсәбәт формалаштыру, паспорт алу процедурасы белән таныштыру.

   Балалар белән шөгыль барышында яшүсмерләрнең хокуклары һәм бурычлары, 14 яшьтән кайбер хокукларны мөстәкыйль башкару мөмкинлеге турында сорауларны тикшерделәр. Катнашучылар “РФ гражданины паспорты” интерактив презентациясен карадылар, аның барышында паспорт алу процедурасы белән таныштылар. Сорауларны тикшерү барышында балалар 18 яшь тулгач сайлауларга барырга әзер булулары, сайлау кампаниясендә актив катнашачаклары турында әйттеләр.

Социаль эш буенча белгечләр КДМУ волонтерлары белән берлектә балигъ булмаган балаларда үз сәламәтлекләренә карата җаваплы караш тәрбиялиләр

   8нче апрель, дүшәмбе, 2019нчы ел

   Вахитов районы гаилә һәм балаларга социаль ярдәм бүлеге социаль эш буенча белгече КДМУның стоматология факультеты волонтерлары белән берлектә, сәламәт яшәү рәвешенә мотивцаия формалаштыруга һәм үз сәламәтлегенә җаваплы мөнәсәбәт тәрбияләүгә юнәлдерелгән, “Елмаю” төркемле шөгылен уздырдылар.

   Шөгыль барышында балалар белән кеше организмында тешләрнең роле, тешләр һәм уртлар гигиенасы, тешләрне карау ысуллары (тешләрне чистарту, ашаганнан соң авызны чайкау, теш авыруларын кисәтү өчен стоматологка бару) турында “Авыз куышлыгы гигиенасы” тематик әңгәмәсе уздырылды. Аннан соң балалар “Тешләр өчен нәрсә файдалы, ә нәрсә зыянлы” интерактив уенында катнаштылар һәм кешенең теш казналыгы макетларында тешләрне чистарту осталыгын ныгыттылар.

   Шөгыль теш авырулары профилактикасына һәм балаларда үз сәламәтлекләренә сакчыл караш тәрбияләргә ярдәм итте.

Психологлар балигъ булмаган балаларның үзләренә кул салу профилактикасы буенча “Чикне узма” программасын тормышка ашыралар

   5нче апрель, җомга, 2019нчы ел

   Балигъ булмаган балаларның үзләренә кул салу профилактикасы буенча “Чикне узма” программасы кысаларында, Совет районы гаилә һәм балаларга социаль ярдәм бүлеге психологы, социаль хезмәт алуда торган гаиләләрнең балигъ булмаган балалары өчен, тренинг элементлары белән “Гаилә бергә булганда, берни куркыныч түгел” төркемле шөгылен уздырды.

   Шөгыль кысаларында балалар белән бала-ата-ана мөнәсәбәтләрен тикшерүгә юнәлдерелгән “Минем гаиләм” анкетасы, яшүсмерләрнең һәм аларның ата-аналары белән мөнәсәбәтләрендәге аеруча киң таралган авырлыкларны “әйтергә” һәм психолог җитәкчелегендә килеп туган хәлләрдән чыгу юлларын табарга мөмкинлек биргән “Гаилә авырлыкларын җыю тартмасы” тренинг күнегүе уздырылды. Шөгыль ахырында катнашучылар үзләренең гаилә шәҗәрәсен төзү буенча эш башладылар.

   Уздырылган шөгыль кеше тормышында гаиләнең роле турында күзаллауны үстерүгә, авыр хәлләрне чишүдә нәкъ якын кешеләрнең ярдәм итә алулары турында аңлауны формалаштырырга ярдәм итте.

Социаль яраклашуда авырлыклар кичерүче балигъ булмаган балалар өчен “Мин кешеләр арасында” коммуникатив тренингы

   5нче апрель, җомга, 2019нчы ел

   Киров районы гаилә һәм балаларга социаль ярдәм бүлеге психологы гармонияле үскән, тормышчан компетентлы һәм сәламәт шәхес формалаштыруга юнәлдерелгән “Ирек – яшәргә!” циклы кысаларында, социаль яраклашуда авырлыклар кичерүче балигъ булмаган балалар өчен, коммуникатив тренинг элементлары белән “Мин кешеләр арасында” төркемле шөгылен уздырды.

   Тренингның максаты: аралашу, тыңлый белү күнекмәләрен формалаштырырга, үз фикереңне әйтә белергә, төркемне тупларга ярдәм итү.

   Тренинг барышында катнашучылар белән төркемне туплауга, контакт булдыру күнекмәләрен формалаштыруга юнәлдерелгән “Вербаль булмаган контакт”, “Буш урындык”, “Уйлап тап” күнегүләре башкарылды. Балаларда “Мактанчыклар бәйгесе” күнегүе аеруча кызыксыну уятты, аны башкарганда һәр катнашучы үзенең уңай якларын әйтеп узды һәм үзбәясе артуын тойды.

   Психолог фикеренчә, тренинг шөгыльләр балигъ булмаган балаларның коммуникатив мөмкинлекләрен үстерүгә һәм социаль яраклашуда авырлыкларны җиңәргә ярдәм итәләр.