ГАУСО "Комплексный центр социального обслуживания населения в городском округе "г. Казань"

   6нчы декабрь, пәнҗешәмбе, 2018нче ел

   Инвалидлар декадасы кысаларында Совет районы гаилә һәм балаларга социаль ярдәм бүлеге социаль педагогы ДАҺББУ “Казан төзелеш, архитектура һәм шәһәр хуҗалыгы колледжы” волонтерлары белән берлектә ДБББУ “Сәламәтлекләре чикле булган балалар өчен 142нче номерлы мәктәп” базасында “Спорт бәйрәме!” чарасын уздырдылар.

   Максат: сәламәт яшәү рәвеше күнекмәләрен формалаштыру, балигъ булмаган балаларда коллективизм, үзара ярдәмләшү хисләре тәрбияләү, яшьтәшләре белән уңай аралашу күнекмәләренә өйрәтү.

   Спорт дәрте һәм дуслык атмосферасы балаларның кызыксынуларын мотивлаштырды. Ике командага бүленеп, алар рәхәтләнеп эстафета биремнәрен үтәделәр, анда җитезлекләрен, чыдамлыкларын, тапкырлыкларын күрсәтә алдылар. Аннан соң мавыктыргыч бәйгеләрдә һәм инттелекуаль викторинада катнаштылар.

   Чара тәмамлангач барлык катнашучылар да грамоталар белән бүләкләнде, ә төп бүләк –яхшы кәеф һәм уңай хисләр булды.

   6нчы декабрь, пәнҗешәмбе, 2018нче ел

   Ватан батырлары көне алдыннан Яңа Савин районы өйдә социаль хезмәт күрсәтү һәм гаилә һәм балаларга социаль ярдәм бүлекләре хезмәткәрләре, социаль хезмәт күрсәтүдә торган гаиләләрнең балигъ булмаган балалары белән өйдә социаль хезмәт күрсәтүдә торган Бөек Ватан сугышы ветераннарын котладылар. Ветераннарга сугыш елларында Ватанга риясыз хезмәт иткәннәре һәм фидакарьлекләре өчен рәхмәтләрен белдереп, балалар үзләре эшләгән котлау открыткаларын һәм эшләнмәләрен, ә социаль хезмәткәрләр -хәтер һәм рәхмәт билгесе-кызыл канәферләр бүләк иттеләр.

   6нчы декабрь, пәнҗешәмбе, 2018нче ел

   Инвалидлар декадасы кысаларында Киров районы өйдә социаль хезмәт күрсәтү бүлеге хезмәткәрләре «Җанны җылы сүз белән җылытыйк!», «Үз кулларыбыз белән игелек» дип исемләнгән урам акцияләренен уздырдылар.

   Акция кысаларында Казан шәһәренең Киров районында яшәүчеләргә «Халыкара инвалидлар көне» мәгълүмати буклетлары тапшырылды.

   «Үз кулларыбыз белән игелек» социаль акциясенең максаты- социаль хезмәт алучыларга, ялгыз, азҗитешле инвалидларга ярдәм күрсәтү. Социаль хезмәткәрләр инициатива белдереп аларга оекбашлар, мунчалалар бәйләделәр.

   4нче декабрь, сишәмбе, 2018нче ел

   Яңа Савин районы гаилә һәм балаларга социаль ярдәм бүлеге психологы, социаль хезмәт күрсәтүдә торган гаиләләрнең ата-аналары өчен, “Ата-аналар университеты” циклыннан “Бәхетле Мин һәм минем гаиләм” шөгылен уздырды.

   Шөгыльнең максаты: тормыштагы һәм гаиләдәге авырлыкларны җиңү өчен шәхси ресурсларны арттыру; ата-аналарның эмоциональ халәтен төзәтү, үзрегуляция күнекмәләрен үстерү; балалар тәрбияләү өчен ата-аналарның җаваплылыгын арттыру.

   Шөгыль барышында ата-аналар белән “Балаларга чыннан да кирәкле 5 әйбер” әңгәмәсе уздырылды, ул ата-аналарның эмоциональ халәте һәм бәхетле була белүенең уңышлы һәм бәхетле балалар тәрбияләүдә иң мөһим фактор булуын аңлауга юнәлдерелгән иде.

   “Кәефне үздиагностикалау анкетасы” диагостикасы барышында ата-аналар үзләренең эмоциональ халәтләренең үзенчәлекләрен билгеләделәр. Визуаль “Теләкләр болыты” күнегүе психо-эмоциональ киеренкелекне бетерергә һәм тормыш тонусын һәм шәхси мөмкинлекләрне күтәрергә ярдәм итте. “Король һәм аның ялчылары-хисләр турында...” әкияте белән психотерапевт эш һәм “Тәмамланмаган җөмләләр” тренинг күнегүе ярдәмендә катнашучылар үзрегуляция күнекмәләренә өйрәнделәр, ничек үзеңне яхшырак аңларга һәм тормыштагы һәм гаиләдәге авырлыкларны ничек җиңәргә дигән сорауларга җавап бирделәр.