22нче октябрь, дүшәмбе, 2018нче ел

   Яңа Савин районы гаилә һәм балаларга социаль ярдәм бүлеге психологы, сәламәтлекләре чикле булган балалар өчен, “Җан җылысы” циклыннан тренинг элементлары белән “Минем кәефемнең сере” төркемле шөгыле уздырды.

   Максат: психоэмоциональ киеренкелекне салдыру, эчке шәхси ресурсларны мобилизацияләү.

   Шөгыль барышында балалар шомлану дәрәҗәсен киметүгә ярдәм итүче “Бүләккә мактау сүзе!”, “Безнең кәеф бүген нәрсәгә охшаган?” күнегүләрен башкардылар. Төркемдәге ышанычлы атмосфера балаларга үзләренең хисләрен, уйларын, кәефләрен ачык итеп әйтергә мөмкинлек бирде. Иҗади остаханәдә алар “Музыка кәефен ясыйбыз” тренинг күнегүен башкардылар.

   Шөгыль психоэмоциональ киеренкелекне салдырырга, эчке шәхси ресурсларны мобилизацияләргә ярдәм итте.