20нче август, сишәмбе, 2019нчы ел

   Россия Федерациясе Дәүләт флагы көне алдыннан Киров районы гаилә һәм балаларга социаль ярдәм бүлеге белгечләре, социаль хезмәт күрсәтүдә торган гаиләләрнең балигъ булмаган балалары өчен, “Минем адрес – Россия” төркемле шөгылен уздырдылар.

   Шөгыльнең максаты: ватанпәрвәрлек тәрбияләү, балаларның дәүләт символикасы, илебезнең гореф-гадәтләре һәм мәдәни кыйммәтләре турында белемнәрен яхшырту.

   Балалар шөгыль барышында “Россиия”, “ Без барыбыз да тигез” социаль роликларын карадылар, Россиянең төп символлары турында интерактив әңгәмәдә катнаштылар, дәүләт символы элементы буларак Россия флагы булдырылу һәм аның өч төсе билгеләмәсе турында азбилгеле фактлар белән танышып, тарихка экскурсия ясадылар.

   Шөгыль илебезнең тарихы, географиясе һәм милли гореф-гадәтләре турында “Минем адрес-Россия” интеллектуаль викторинасы белән тәмамланды.