ГАУСО "Комплексный центр социального обслуживания населения в городском округе "г. Казань"

Гаилә һәм балаларга социаль ярдәм бүлеге психологы балигъ булмаган балаларда үзрегуляция күнекмәләрен формалаштыралар һәм эмоциональ хәлләрен гармонияләштерергә ярдәм итәләр

   17нче октябрь, чәршәмбе, 2018нче ел

   Мәскәү районы гаилә һәм балаларга социаль ярдәм бүлеге психологы, социаль хезмәт алучы гаиләләрнең балигъ булмаган балалары өчен, “Мин үзем белән идарә итәм” төркемле шөгыле уздырды.

   Шөгыльнең максаты: үзрегуляция күнекмәләрен формалаштыру һәм уңай күрсәтмәләр булдыру.

   Шөгыль барышында балалар язучылар, сценарий язучылар һәм актерлар ролендә булып, үзләрен яңа яктан белделәр, иҗади осталыкларын ачтылар. Шөгыль сенсор бүлмәдә уздырылды, шуңа күрә “Урманга сәяхәт” күнегүен башкарганда катнашучылар үзкиеренкелекне бетерү күнекмәләренә өйрәнделәр. Кире элемтә сыйфатында “Минем кәефем” тынычландыру күнегүе уздырылды, аның барышында балалар кәгазьдә үзләренең хисләрен белдерделәр.

   Психолог фикеренчә, шөгыль балигъ булмаган балаларның тормышта стресс дәрәҗәсен киметергә ярдәм итәчәк үзрегуляция күнекмәләрен формалаштырырга, эмоциональ хәлләрен гармонияләштерергә ярдәм итте.

Гаилә һәм балаларга социаль ярдәм бүлеге психологы балигъ булмаган балаларда толерант шәхес сыйфатлары формалаштыра

   17нче октябрь, чәршәмбе, 2018нче ел

   Авиатөзелеш районы гаилә һәм балаларга социаль ярдәм бүлеге психологы “Тату ил” циклыннан, социаль яраклашуда авырлыклар кичерүче балигъ булмаган балалар өчен, тренинг элементлары белән “Без төрле, ләкин без бергә” төркемле шөгыле уздырды.

   Балалар толерантлык төшенчәсе белән таныштылар, аралашуда башка кешеләргә сабыр мөнәсәбәтнең әһәмиятлелеген анализладылар. Ике командага бүленеп балалар яхшылык һәм дуслык турында әкиятләрне сәхнәләштерделәр, уртак проект эшләп иҗади осталыкларын, килешә, башкаларның фикерләрен исәпкә ала белүләрен күрсәттеләр. Әкиятләрне анализлап балалар әйләнә-тирәдәгеләр белән конфликтсыз аралашуның төп кагыйдәләрен аерып чыгардылар.

   Шөгыльдә катнашу балигъ булмаган балаларда толерантлык турында күзаллау формалаштырырга, коммуникатив күнекмәләрне үзләштерергә ярдәм итте.

Яшьләрнең Бөтенсоюз Ленин Комсомолы Союзы оешуга 100-еллыкны бәйрәм итүгә туры китереп, “Буыннар бәйләнеше” социаль акциясе кысаларында, гаилә һәм балаларга социаль ярдәм һәм өйдә социаль хезмәт күрсәтү бүлекләре белгечләре “Барлык буыннарның комсомолецла

   17нче октябрь, чәршәмбе, 2018нче ел

   Яшьләрнең Бөтенсоюз Ленин Комсомолы Союзы оешуга 100-еллыкны бәйрәм итүгә туры китереп, “Буыннар бәйләнеше” социаль акциясе кысаларында, Яңа Савин районы гаилә һәм балаларга социаль ярдәм һәм өйдә социаль хезмәт күрсәтү бүлекләре белгечләре, социаль хезмәт алуда торган гаиләләрнең балигъ булмаган балалары өчен, “Барлык буыннарның комсомолецлары” чарасы уздырдылар. Чараның хөрмәтле кунаклары – өйдә социаль хезмәт алучы ветеран-комсомолецлар.

   Чараның максаты: балигъ булмаган балаларның тарихи белемнәргә кызыксынуларын арттыру, илдәге барлык икътисади һәм социаль үзгәрешләрне төзүче көч буларак Яшьләрнең Бөтенсоюз Ленин Комсомолы Союзының тарихы белән таныштыру.

   Чара балалар белән комсомол яшәгән чор, һәм күп кешеләрнең бу оешма белән иң җылы истәлекләре бәйләнгәнлеге турында әңгәмәдән башланды. Кемнеңдер комсомол белән һөнәри эшчәнлеге бәйләнгән, кемдер иң яшь елларын актив комсомолец буларак уздырган, ә кемнедер ныклы гаилә корган пары белән таныштырган. Өлкән яшьтәге кешеләр үзләренең комсомолдагы яшьлек еллары хәтирәләре белән уртаклаштылар.

   Аннан соң балалар ветераннар белән бергә интерактив уенда катнаштылар. Һәр бала яшь комсомолец исемен алды, ә моны яулар өчен сынаулар үтәргә кирәк иде. Ветеран-остазлар ярдәм итеп, әйтеп тордылар, һәр сынауда актив катнаштылар. Балалар Советлар Союзы картасын җыйдылар, Яшьләрнең Бөтенсоюз Ленин Комсомолы Союзы турындагы викторина сорауларына җавап бирделәр, хәзерге Россиядә комсомол эшен дәвам итүче яшьләр оешмалары белән таныштылар.

Өлкән яшьтәге кешеләр декадасы кысаларында гаилә һәм балаларга социаль ярдәм бүлеге белгечләре “Әби, бабай, мин-иң яхшы дуслар” фотобәйгесенә йомгак ясадылар

   11нче октябрь, пәнҗешәмбе, 2018нче ел

   Өлкән яшьтәге кешеләр декадасына багышланган чаралар кысаларында, Идел буе районы гаилә һәм балаларга социаль ярдәм бүлеге белгечләре “Әби, бабай, мин-иң яхшы дуслар” фотобәйгесе уздырдылар.

   Бәйгенең максаты: буыннар арасындагы бәйләнешне ныгыту, әби-бабайларга игътибарлы, ихтирамлы мөнәсәбәт тәрбияләү, гаилә гореф-гадәтләрен формалаштыру.

   Ике атна буе балалар бәйгегә фотоэшләрен тәкъдим итәр өчен фотога төшерделәр. Бәйгегә тәкъдим ителгән фотоларны балаларның социаль хезмәт буенча белгечләреннән торган жюри бәяләде.

   Бәйге нәтиҗәләре буенча җиңүчеләр грамоталар, истәлекле бүләкләр белән бүләкләнделәр, калган катнашучылар да бүләкләр алдылар. Барлык катнашучылар өчен чәй эчү оештырылды.