View settings
Font settings:
Select font Arial Times New Roman
Character spacing (kerning): Standard Medium Large
Colour scheme selection:
“Георгий тасмасы. Гадәтне бергәләп булдырыйк” урам акциясе
13нче май, дүшәмбе, 2019нчы ел
Киров районы гаилә һәм балаларга социаль ярдәм бүлеге белгечләре тулы булмаган, күп балалы һәм азҗитешле гаиләләрнең балигъ булмаган балалары белән Юдино бистәсендә “Георгий тасмасы. Гадәтне бергәләп булдырыйк” урам акциясен уздырдылар.
Акциянең максаты: балигъ булмаган балаларда ватанпәрвәрлек, актив тормыш позициясе тәрбияләү.
“Георгий тасмасы” акциясе - безнең хәтер, җиңүче халык батырлыгын хөрмәтләү эстафетасы ул.
Акция барышында Юдинода яшәүчеләргә Георгий тасмалары тапшырдылар, аларның ни өчен Җиңү символы булуын һәм төсләрнең нәрсәне аңлатуы турында сөйләделәр.
“Җиңүле яз” патриотик акциясе
13нче май, дүшәмбе, 2019нчы ел
Яңа Савин районы гаилә һәм балаларга социаль ярдәм бүлеге һәм өйдә социаль хезмәт күрсәтү бүлеге белгечләре, Бөек Ватан сугышында Җиңүнең 74-еллыгын бәйрәм итүгә туры китереп, “Җиңүле яз” патриотик акциясен уздырдылар.
Акциянең максаты: балигъ булмаган балаларда ватанпәрвәрлек тәрбияләү.
Балалар Георгий тасмасыннан алдан ук күкрәккә тага торган билгеләр һәм открыткалар әзерләделәр һәм бөек бәйрәм алдыннан өйдә социаль хезмәт күрсәтүдә торган ветераннарны һәм тыл хезмәтчәннәрен өйләрендә котладылар, Казан шәһәр Думасы депутаты, “Булка-кондитер комбинаты” АҖ Генераль директоры Котдусов Б. Ф. тан чәчәкләр һәм ашамлыклар җыелмасын тапшырдылар.
“Батырлар янәшәбездә!” социаль акциясе
13нче май, дүшәмбе, 2019нчы ел
Җиңү көненә багышланган чаралар кысаларында өйдә социаль хезмәт күрсәтү һәм гаилә һәм балаларга социаль ярдәм күрсәтү бүлеге хезмәткәрләре “Батырлар янәшәбездә!” социаль акциясен уздырдылар.
Акциянең максаты: Бөек Ватан сугышы вакыйгалары һәм батырлары турында тарихи истәлекләрне саклау, өлкән буынга карата ихтирамлы мөнәсәбәт формалаштыру.
Социаль акция кысаларында өйдә социаль хезмәт күрсәтүдә торган ветераннарның өйләренә бару, балалар төркемле шөгыльләрдә үз куллары белән ясаган открыткаларны һәм эшләнмәләрне тапшыру оештырылды. Ветераннар балаларга фронт истәлекләрен, сугыш вакытында халык җилкәсенә төшкән авырлыклар турында сөйләделәр.
13нче май, дүшәмбе, 2019нчы ел
Бөек Ватан сугышында Җиңүнең 74-еллыгын бәйрәм итү алдыннан Мәскәү районы гаилә һәм балаларга социаль ярдәм һәм өйдә социаль хезмәт күрсәтү бүлеге белгечләре “Казан төзелеш, архитектура һәм шәһәр хуҗалыгы колледжы” ДАҺББУ волонтерлары белән берлектә, “Сезнең исемнәрне без хәтерлибез” акциясен оештырдылар, аның кысасында социаль хезмәт алуда торган гаиләләрнең балигъ булмаган балалары белән бергә өйдә социаль хезмәт күрсәтүдә торган Бөек Ватан сугышы ветераннарын өйләрендә котладылар.
Акциянең максаты: Бөек Ватан сугышы елларында безнең халыкның батырлыгы һәм ныклыгы өчен горурлык хисе, әхлакый сыйфатларны, ватанпәрвәрлек, өлкән буынга хөрмәт тәрбияләү.
Балалар ветераннарны үзләренең талантлары белән гаҗәпләндерделәр: шигырьләр укыдылар, гитарага кушылып сугыш турында җырлар җырладылар. Балалар ветераннарга үзләре ясаган открыткаларны тапшырдылар, Георгий ленталарыннан брошьлар кададылар. Барлык балаларга да сувенирлардан башка тынычлык өчен үзләренең рәхмәтләрен белдерәселәре килде. Ветераннар балалар белән рәхәтләнеп үзләренең сугышчан яшьлекләре турында уртаклаштылар.
13нче май, дүшәмбе, 2019нчы ел
1941-1945нче еллар Бөек Ватан сугышында Җиңүнең 74-еллыгын бәйрәм итү алдыннан Вахитов районы гаилә һәм балаларга социаль ярдәм һәм өйдә социаль хезмәт күрсәтү бүлекләре белгечләре Ә. Бакиров исемендәге 6нчы музыка мәктәбе волонтерлары белән берлектә Бөек Ватан сугышы ветераннары өчен “Ике буын очрашуы” бәйрәм концерты оештырдылар.
Концертта “Солдат анасы турында баллада”, “Зәңгәр яулык”, “Ал кояш баешы”, “Эх, юллар” кебек танылган җырлар һәм сугыш еллары шигырьләре яңгырады. Концерт ахырында ветераннарны бөек бәйрәм – Җиңү көне белән тәбрикләделәр һәм шөгыльләрдә балалар ясаган истәлекле открыткаларны тапшырдылар.
Мондый чараларны уздыру балигъ булмаган балаларда ватанпәрвәрлек, Ватанны саклаучыларга хөрмәт хисләре тәрбияләүгә ярдәм итә.
Страница 158 из 272