View settings
Font settings:
Select font Arial Times New Roman
Character spacing (kerning): Standard Medium Large
Colour scheme selection:
15нче май, җомга, 2020нче ел
Мәскәү районы гаилә һәм балаларга социаль ярдәм бүлеге психологы "Ата-аналар белән бергә" программасы кысаларында күп балалы, тулы булмаган һәм азҗитешле гаиләләрдә тәрбияләнүче балигъ булмаган балаларның ата-аналары белән "Беркайчан да үз хис-тойгыларыгызны балалар белән уртаклашмагыз" дигән дистанцион шөгыль үткәрде.
Шөгыльнең максаты: ата-аналар компетенциясе дәрәҗәсен күтәрү, балалар-ата-аналар мөнәсәбәтләрен коррекцияләү, психоэмоциональ хәлне гармонияләштерү.
Психофизиологик халәтне һәм стресска каршы торучанлыкны диагностикалау максатыннан шөгыль башында катнашучылар Люшер тестын уздылар. Психолог ата - аналарга төп бурычларның берсе-балага эмоцияләрне җиңәргә ярдәм итү, ә моның өчен аның белән аралашырга, "артыгын" алырга, нәрсә эшли алуын кабул итәргә кирәклеген искә төшерде.
"Мин - контейнер" күнегүе ата-аналарга стресс хәлләрендә бала белән дөрес аралашу рәвешен сайларга ярдәм итте, чөнки нәкъ менә әни балалар эмоцияләрен кабул итә, туплый һәм эшкәртә ала торган ниндидер "сыешлы" булырга тиеш. "Уңай фикерләү" дигән интерактив әңгәмә өлкәннәрнең үз-үзләрен тотышы баланың психикасын формалаштыруга, аның дөнья белән мөнәсәбәтләренә ни дәрәҗәдә йогынты ясый алуын аңларга мөмкинлек бирде.
Кире элемтә ярдәмендә күтәрелгән теманың ни дәрәҗәдә актуаль һәм үз вакытында булуы аңлашыла.
15нче май, җомга, 2020нче ел
Халыкка социаль хезмәт күрсәтү комплекслы үзәгенең гаилә һәм балаларга социаль ярдәм күрсәтү бүлеге белгечләре «ICL» Россия ИТ - компаниясенә социаль куркыныч хәлдә булган гаиләләрнең балигъ булмаган балалары өчен персональ компьютерлар күрсәтүдә ярдәм итәләр.
Мондый ярдәм балигъ булмаган балаларга һәм аларның ата-аналарына, мәктәп белеменең начар эпидемиологик ситуациягә бәйле рәвештә дистанцион формага күчүе, шулай ук социаль хезмәт күрсәтүдә торучы гаиләләрнең мөмкинлекләрен киңәйтү, видеоэлемтә ярдәмендә психологик, педагогик һәм социаль ярдәм алу өчен кирәк.
Киров һәм Мәскәү районнары гаилә һәм балаларга социаль ярдәм күрсәтү бүлекләре белгечләре социаль куркыныч хәлдә булган 8 гаиләгә компьютерлар тапшыруда ярдәм күрсәттеләр.
Техника тапшыру санитар куркынычсызлык нормалары һәм кагыйдәләре нигезендә башкарылды.
15нче май, җомга, 2020нче ел
Гаилә-мәхәббәт һәм хөрмәт, бердәмлек һәм бәйләнеш чыганагы, теләсә кайсы цивилизацияле җәмгыять аның нигезендә төзелә.
Халыкара гаилә көне кысаларында Киров районы гаилә һәм балаларга социаль ярдәм күрсәтү бүлеге социаль педагогы "Гаиләнең бәхетле мизгелләре" дип исемләнгән флешмоб оештырды.
Социаль хезмәт күрсәтүдә торучы гаиләләр фотоколлажлар төзеделәр, аларда үзләренең мәхәббәтләрен, бәйләнешләрен, гаилә традицияләрен, бер-берсенә карата игелекле мөнәсәбәтләрен тапшырдылар. Күпләр коллаж төзү эшенә иҗади якын килгән һәм анда үз гаилә альбомнарыннан фотоларны кулланганнар.
Фотосурәтләрдәге язмаларда ата-аналар билгеләп үтте:
- "Гаилә-ул бетмәс-төкәнмәс мәхәббәт, хөрмәт чыганагы, кеше аннан башка яши алмый"
- "Ныклы йорт - ул балалар һәм оныклар, ул ярдәм һәм таяныч"
- "Гаилә-кешенең иң кадерлесе"
- "Якыннарыбыз белән аралашканда без үзебезгә көч алабыз".
15нче май, җомга, 2020нче ел
Халыкара гаилә көнен бәйрәм итү кысаларында Авиатөзелеш районы гаилә һәм балаларга социаль ярдәм бүлеге социаль педагогы социаль хезмәт алучылар өчен "Минем гаиләм" дигән онлайн-шөгыль үткәрде.
Максат: гаиләгә мәхәббәт һәм хөрмәт, аның өчен горурлык хисе тәрбияләү, гаилә кыйммәтләренә аңлы һәм сакчыл караш тәрбияләү.
Онлайн-шөгыль барышында балалар бәйрәмнең тарихы, аның символы-ромашка белән таныштылар, сорауларга актив җавап бирделәр һәм тематик табышмаклар чиштеләр. Һәр катнашучы үз гаиләсе һәм яраткан гаилә традицияләре турында бик теләп сөйләде.
Иҗади өлештә балалар, кәгазь пластика технологиясен кулланып, бәйрәм символы-ромашка ясадылар.
Шөгыль коммуникатив күнекмәләрне, иҗади фикерләүне, вак моториканы үстерүгә, дөньяга уңай караш формалаштыруга ярдәм итте.
15нче май, җомга, 2020нче ел
Идел буе районы Гаилә һәм балаларга социаль ярдәм күрсәтү бүлеге психологлары дистанцион рәвештә видеоэлемтә форматында социаль хезмәт алучы ата-аналар белән индивидуаль психологик консультацияләр уздыралар.
Консультацияләрнең максаты: ата-аналарның балалар-ата-аналар мөнәсәбәтләре өлкәсендә социаль-психологик компетентлыгы дәрәҗәсен күтәрү, проблемалы хәлләрдә ярдәм итү.
Видеоэлемтә ярдәмендә психологик консультация бирү үз-үзеңне изоляцияләү шартларында һөнәри психологик ярдәмгә мохтаҗ кешеләргә психологик ярдәм күрсәтүнең яхшы альтернативасы булып тора.
