ГАУСО "Комплексный центр социального обслуживания населения в городском округе "г. Казань"

Гаилә һәм балаларга социаль ярдәм бүлеге белгечләре балигъ булмаган балаларда әйләнә-тирә дөньяны уңай кабул итүгә омтылыш формалаштыралар

   25нче октябрь, пәнҗешәмбе, 2018нче ел

   Вахитов районы гаилә һәм балаларга социаль ярдәм бүлеге психологлары Н. Г. Җиһанов исемендәге Казан дәүләт консерваториясе янындагы урта махсус музыка мәктәбенең консультация пункты базасында, тискәре кичерешләр профилактикасына һәм әйләнә-тирә дөньяны уңай кабул итүгә омтылыш формалаштыруга юнәлдерелгән, “Үз гомереңнең кадерен бел” циклыннан “Мин сынауларга әзер” төркемле шөгыле уздырдылар.

   Шөгыль сәламләү, танышу, балигъ булмаган балаларның хәзерге вакыттагы эмоциональ халәтләрен тикшерүдән башланды. Аннан соң “Чемодан” уены уздырылды, аның барышында балалар кызыклы тормыш өчен мөһим булган шәхси сыйфатларны тикшерделәр һәм җитешмәгән сыйфатлар белән “үзләренең багажларын тулыландырдылар”.

   Үзләренең хисләрен белдерүне һәм аларны анализлый белүне үстерү максаты белән, “Куанычлар һәм кайгылар агачы” проект күнегүе уздырылды. Балалар аны башкарып негатив кичерешләрне җиңү ысулларын эзләделәр.

Гаилә һәм балаларга социаль ярдәм бүлеге белгечләре социаль хезмәт алучы балигъ булмаган балаларга һөнәри үзбилгеләнүдә ярдәм күрсәтәләр

   25нче октябрь, пәнҗешәмбе, 2018нче ел

   “Минем булачак һөнәрем” циклы кысаларында Авиатөзелеш районы гаилә һәм балаларга социаль ярдәм бүлеге белгечләре, психоэмоциональ проблемалары булу сәбәпле социаль яраклашуда авырлыклар кичерүче балигъ булмаган балалар белән, “Һөнәр һәм сәламәтлек” төркемле шөгыле уздырдылар.

   Яшүсмерләр кызыксыну белән “Һөнәр һәм сәламәтлек” видеоролигын карадылар, аннан соң караган буенча фикер алышуда катнаштылар. Әңгәмә нәтиҗәсендә балалар сайланган һөнәрнең кызыклы һәм мавыктыргыч, хезмәт базарында кирәкле булуы, шәхси сыйфатларга туры килүе белән генә түгел, мөмкин булганча сәламәткә куркынычсыз булырга тиеш дигән фикергә килделәр.

Гаилә һәм балаларга социаль ярдәм бүлеге белгече социаль авыр хәлдәге гаиләләрнең балигъ булмаган балаларын компьютер белеме нигезләре белән таныштыра

   24нче октябрь, чәршәмбе, 2018нче ел

   Авиатөзелеш районы гаилә һәм балаларга социаль ярдәм бүлеге белгече социаль авыр хәлдәге гаиләләрнең балигъ булмаган балалары өчен “Балалар өчен компьютер белеме” циклыннан “Минем компьютер” төркемле шөгыле уздырды.

   Шөгыльнең максаты: компьютер белән эшләү күнекмәләренә өйрәтү аша уңай тормыш кызыксынулары формалаштыру.

   Балалар шөгыль барышында заманча техника, аның мөмкинлекләре, мәгълүматны эшкәртү һәм системалаштыру ысуллары белән таныштылар. Шөгыльдә катнашучылар Paint программасында эшләү мөмкинлекләре турында белделәр, рәсемнәр ясадылар һәм үзләре принтерда чыгарттылар. Компьютерда эшләү белән беррәттән кулган мәсьәләләрне чишәргә: бергә эшчәнлекне, күрү һәм хәрәкәт анализаторларын үстерергә, бирелгән алгоритм буенча эшләргә өйрәнергә ярдәм итте.

   Балалар шөгыльнең кызыклы һәм гадәти булмаган форматта булуын билгеләп үттеләр.

Гаилә һәм балаларга социаль ярдәм бүлеге психологы балигъ булмаган балаларның коммуникатив компетентлыгын формалаштырырга ярдәм итә

   23нче октябрь, сишәмбе, 2018нче ел

   Яңа Савин районы гаилә һәм балаларга социаль ярдәм бүлеге психологы “Тормыш гөлләре” циклыннан, социаль яраклы үзеңне тоту күнекмәләрен формалаштыруга юнәлдерелгән, тренинг элементлары белән “Аралашу ысуллары” төркемле шөгыле уздырды.

   Шөгыльнең максаты: балигъ булмаган балаларның коммуникатив компетентлыгын формалаштыру.

   Шөгыль барышында һәр катнашучы үзенең кәефе, хисләре, аралашу тәҗрибәсе белән уртаклашты. “Инструкция буенча рәсем”, “Көзге” күнегүләрен башкарып, балалар вербаль булмаган, ә “Презентация”, “Комплимент” күнегүләрендә вербаль аралашу күнекмәләрен өйрәнделәр.

   Тренингта катнашу балигъ булмаган балаларның коммуникатив компетентлыгын формалаштырырга ярдәм итте.