25нче октябрь, пәнҗешәмбе, 2018нче ел

   Идел буе районы гаилә һәм балаларга социаль ярдәм бүлеге белгечләре “Уңган куллар” балалар иҗаты клубында, психоэмоциональ проблемалары булган, социаль яраклашуда авырлыклар кичерүче балигъ булмаган балалар өчен, “Минем хисләрем” төркемле шөгыле уздырдылар.

   Шөгыльнең максаты: иҗади эшчәнлек аша үзеңне танып белү, үз-үзеңә ышаныч арттыру, үзрегуляцияне үстерү.

   Шөгыль барышында төркемне туплауга, ышанычлы атмосфера тудыруга, катнашучыларның эмоциональ халәтләрен яхшыртуга юнәлдерелгән, “Түгәрәк буенча рәсем”, “Хисле бүләк” арт-терапевтик күнегүләре уздырылды.

   Иҗади остаханәдә эшләү һәм кечкенә автор әсәрләрен тудыру балаларны үзләрен иркен тоту өчен уңайлы шартлар тудыруга, иҗади мөмкинлекләрне тормышка ашырырга, үзләренең сәләтләренә ышаныч формалаштырырга ярдәм итте.