Совет районы гаилә һәм балаларны социаль яклау бүлеге белгечләре сәламәтлекләре чикле булган балаларның социаль яраклашу дәрәҗәсен күтәрү һәм социализация күнекмәләрен үстерү максаты белән, гаилә кыйммәтләрен формалаштыруга юнәлдерелгән төркемле шөгыльләр уздыралар. Мондый шөгыльләр кысасында үзенә бертөрле ихтыяҗлары булган балаларга, “Махеев” хәйрия фонды оештырган “Гаиләм минем-яратам сине!” открыткалар иҗади бәйгесендә катнашуга ярдәм иттеләр.

   Бәйгедә катнашкан өчен Алия һәм Әмир Моряковлар, Зайков Роман, Святослав һәм Ярослав Горбуновлар оештыручылардан истәлекле бүләкләр һәм рәхмәт хатлары алдылар.