ГАУСО "Комплексный центр социального обслуживания населения в городском округе "г. Казань"

   “Казан шәһәре” шәһәр округында халыкка социаль хезмәт күрсәтү комплекслы үзәге” социаль хезмәт күрсәтү автоном дәүләт учреждениесенең гаилә һәм балаларга социаль ярдәм бүлеге базасында “Балигъ булмаган балалар һәм аларның гаиләләре белән психолого-педагогика эшенең эффектив тәҗрибәләре: җиһазлар, дидактик материаллар, үстерелешле һәм реабилитацион программалар куллану(мозартика)” темасына супервизия уздырылды.

   Супервизия психологик практикада инновацион методикаларны, метафорик карталарны, өстәл уеннарын һәм “Мозартика” реабилитацион-үстерелешле методика куллану тәҗрибәсе белән уртаклашуга юнәлдерелгән иде.

   Чара практик-ориентлашкан характерда иде. Катнашучы психологлар фикер алышуда, төрле хәлләрне тикшерүдә генә түгел, ә социаль хезмәт алучыларның психологик проблемаларын уңай чишү юлларын эзләүдә дә катнаштылар.

   31нче гыйнвар, пәнҗешәмбе, 2019нчы ел

   “2014-2020нче елларга Татарстан Республикасы гражданнарына социаль ярдәм” дәүләт программасы кысаларында Совет районы гаилә һәм балаларга социаль ярдәм бүлеге психологы мәдәни оештыручы белән берлектә, социаль яраклашуда авырлыклары булган балигъ булмаган балалар өчен, “Мозартика” инновацион технологиясен кулланып “Иҗади фәннәр академиясе” үстерелешле шөгылен уздырдылар.

   Шөгыльнең максаты: реабилитация-үстерү методикалары белән балигъ булмаган балаларның эмоциональ-шәхси мохитләрен гармонияләштерү.

   Шөгыль кысаларында “Киләчәккә юл” кечкенә әңгәмәсе уздырылды, аның барышында катнашучылар үзләренең хыяллары һәм уйлары белән уртаклаштылар, башкаларның җавапларын тыңларга һәм анализларга өйрәнделәр. Тематик конструкцияләү барышында балалар, когнитив процессларны: сөйләм, фикерләү, аңга алу һәм хыяллануны үстерүгә ярдәм итүче “Минем планетам”, “Мин кем белән яшим?” күнегүләрен башкардылар.

   Балалар шөгыль ахырында музыкаль марафонда катнаштылар, музыка тарихы, композиторлар, минор һәм мажор төзелешләре белән таныштылар.

   Шөгыль эчке ресурсларны ачарга, психоэмоциональ сфераны үстерергә ярдәм итте.

   30нчы гыйнвар, чәршәмбе, 2019нчы ел

   “2016-2020нче елларга Россия Федерациясе гражданнарын патриотик тәрбияләү” дәүләт программасы кысаларында, Авиатөзелеш районы гаилә һәм балаларга социаль ярдәм бүлеге белгечләре Казан шәһәренең ДБУ “39нчы номерлы балалар китапханәсе” хезмәткәрләре белән берлектә, Ленинградны фашист блокадасыннан тулысынча азат итү көненә туры китереп, “900 батырлык көне” чарасы уздырдылар.

   Балалар һәм аларның ата-аналары Бөек Ватан сугышы вакытында Ленинград блокасындагы тарихи вакыйгалар турында “900 батырлык көне” лекциясен тыңладылар, тематик китап күргәзмәсе белән таныштылар.

   Катнашучыларга бигрәк тә, авыр сугыш елларында малайлар һәм кызлар язмышына төшкән авыр сынаулар турында, Ольга Берггольцның “Ленинград поэмасы” шигыреннән өзек ошады.

   Очрашуда катнашучылар өчен китапханә буенча таныштыру экскурсиясе уздырылды, уку залында эшләүнең үзенчәлекләре, китапханә белән куллану кагыйдәләре турында мәгүлүмат бирелде.

   30нчы гыйнвар, чәршәмбе, 2019нчы ел

   “2016-2020нче елларга Россия Федерациясе гражданнарын патриотик тәрбияләү” дәүләт программасы кысаларында Идел буе районы гаилә һәм балаларга социаль ярдәм бүлегенең социаль педагогы, Россиянең хәрби даны көненә – совет гаскәрләренең Сталинград сугышында немец – фашист гаскәрләрен тар-мар итү көненә туры китерелгән,“Без Сталинград батырлыгын оныта алмабыз” төркемле шөгылен уздырды.

   Чараның максаты: безнең халыкның батырлыгына горурлык, Бөек Ватан сугышы елларында илебезне саклаучыларга-ветераннарга ихтирам хисе тәрбияләү.

   Шөгыль барышында балигъ булмаган балалар белән Сталинград сугышы турында әңгәмә уздырылды, балалар “Сталинград сугышында катнашучы балалар” видеоролигын карадылар. Балалар каһарман-шәһәр Волгоградка виртуаль экскурсия ясадылар, Волгоградтагы Мамай курганындагы “Сталинград сугышы каһарманнарына” һәйкәл-ансамблен күрделәр.

   Шөгыль ахырында балалар мәгълүмати “Без Сталинград батырлыгын оныта алмабыз” буклетлары алдылар.