ГАУСО "Комплексный центр социального обслуживания населения в городском округе "г. Казань"

Гаилә һәм балаларга социаль ярдәм бүлеге психологы гаилә мөнәсәбәтләрен көйләргә ярдәм итә

1нче ноябрь,пәнҗешәмбе,2018нче ел

   “Ата-ана практикумы” циклы кысаларында Вахитов районы гаилә һәм балаларга социаль ярдәм бүлеге психологы, социаль хезмәт алучы гаиләләрнең ата-аналары өчен, “Мин һәм минем гаиләм” төркемле шөгыле уздырды.

   Шөгыльнең максаты: гаиләдәге үз ролен аңлау өчен мөмкинлекләр тудыру,бала-ата-ана мөнәсәбәтләрен көйләү.

   Шөгыль сәламләүдән һәм эмоциональ киеренкелекне бетерүдән  башланды.Аннан соң “никах” һәм “гаилә” төшенчәләре,гаиләдәге мөнәсәбәтләрнең катлаулы системасы турында әңгәмә уздырылды,чөнки кагыйдә буларак ул ир белән хатынны гына түгел,аларның балаларын да,туганнарны һәм якын кешеләрне дә берләштерә. Шөгыль барышында “Гаилә социограммасы” тесты буенча психодиагностика һәм “Гаилә” психотерапевт күнегүе уздырылды.

   Катнашучылар  шөгыльнең ахыргы өлешендә очрашу барышында туган үзләренең тойгылары, хисләре, фикерләре белән бүлештеләр.

Казанда “Акыллылык елмаюы-2018” III нче шәһәр иҗади бәйгесе узды

   31. 10. 2018г

   “Казан” Милли мәдәни үзәгендә Халыкара өлкән яшьтәге кешеләр көненә багышланган чараларны уздыру кысаларында,Татарстан Республикасы Хезмәт,халыкны эш белән тәэмин итү һәм социаль яклау министрлыгы канаты астында, “Бердәм Россия” партиясенең Казан бүлеге ярдәмендә,шәһәр ветераннар(пенсионерлар) советы белән берлектә “Акыллылык елмаюы-2018” III нче шәһәр иҗади бәйгесе уздырылды.

   Бәйгенең максаты : ветераннарның, өлкән яшьтәге кешеләрнең социаль эшчәнлектә катнашуларының мөһимлегенә җәмгыятьнең игътибарын җәлеп итү, өлкән яшьтәге кешеләрнең шәһәрнең мәдәни һәм иҗтимагый тормышында катнашуларын активлаштыру.

   Бәйгедә катнашырга Казан шәһәренең пенсия яшендәге халкы чакырылды.Бәйгедә һәр районнан өчәр кешедән торган 7 команда катнашты: “Көзге блюз”, “ХХ гасыр яшьләре”, “Энерджи Интернешнл”, “ Казан Мәскәүлеләре”, “Селебрити”, “Безнең яшьлек командасы”, “Совет кызлары”. Командалар бәйге барышында “Сәламләү”, “Фотокүнекмә” бәйгесе, “Өй эше” музыкаль бәйгеләрендә катнаштылар.

   Өлкән яшьтә булулуларына карамастан, катнашучылар актив тормыш позициясен, энтузиазм, максатчанлык,җиңүгә ихтыяр күрсәттеләр.

   Бәйге биремнәренең йомгаклары буенча “Күңеллеләр һәм тапкырлар” төп призын Яңа Савин районы командасы алды.

   Калган катнашучылар :

• Авиатөзелеш районы командасы “Иҗади шәхесләр”
• Вахитов районы командасы “Иң интеллектуаль команда”
• Киров районы командасы “Иң артист команда”
• Мәскәү районы командасы “Иң бердәм команда”
• Идел буе районы командасы “Иң креатив команда”
• Совет районы командасы “Җиңүгә булган ихтыяр өчен” номинацияләрендә җиңделәр.

   Барлык катнашучыларга да “Бердәм Россия” партиясеннән чәчәкләр һәм призлар: кулер һәм микродулкынлы мичләр тапшырылды.Кичә тәмамлангач барлык чакырылган кешеләргә “Булка-кондитер комбинаты” Акционерлык җәмгыятеннән тортлар тапшырылды.

 

Казан шәһәренең халыкка социаль хезмәт күрсәтүнең комплекслы үзәгендә “Тәрбия мәктәбе” инновационн технологиясе кертелде

   30нчы октябрь, сишәмбе, 2018нче ел

   Өйдә социаль хезмәт күрсәтү бүлеге белгечләре “21нче номерлы шәһәр хастаханәсе” ДАССУ табиблары белән берлектә, даими читтән хезмәт күрсәтүгә мохтаҗ өлкән яшьтәге каты авыручы кешеләрнең һәм 1нче төркем инвалидларның яшәү сыйфатын яхшырту максаты белән, “Тәрбия мәктәбе” эшен оештырдылар. Документлар пакеты эшләнелде, шул исәптән инновационн технологияне куллану турында кагыйдәнамә, хезмәттәшлек турында килешү төзелде, тыңлаучылар төркеме сайланылды, шөгыльләрнең календарь планы эшләнелде.

   Мәктәпнең беренче шөгыле хастаханәнең уку залында “Ятып торучы авыруларны тәрбияләү. Ятып тишелгән урыннарны эшкәртү һәм профилактика” темасына, ятып торучы авыруларны караучы 20 кеше өчен, уздырылды.

   Киләчәктә шөгыльләр һәр айны уздырылачак. Шөгыльләрнең тематикасы каты авыручыларга һәркөн күрсәтелә торган хезмәт белән бәйле аеруча мөһим сорауларны яктыртачак.

Гаилә һәм балаларга социаль ярдәм бүлеге белгечләре социаль хезмәт алучы балигъ булмаган балаларга һөнәри үзбилгеләнүдә ярдәм күрсәтәләр

   25нче октябрь, пәнҗешәмбе, 2018нче ел

   “Минем булачак һөнәрем” циклы кысаларында Авиатөзелеш районы гаилә һәм балаларга социаль ярдәм бүлеге белгечләре, психоэмоциональ проблемалары булу сәбәпле социаль яраклашуда авырлыклар кичерүче балигъ булмаган балалар белән, “Һөнәр һәм сәламәтлек” төркемле шөгыле уздырдылар.

   Яшүсмерләр кызыксыну белән “Һөнәр һәм сәламәтлек” видеоролигын карадылар, аннан соң караган буенча фикер алышуда катнаштылар. Әңгәмә нәтиҗәсендә балалар сайланган һөнәрнең кызыклы һәм мавыктыргыч, хезмәт базарында кирәкле булуы, шәхси сыйфатларга туры килүе белән генә түгел, мөмкин булганча сәламәткә куркынычсыз булырга тиеш дигән фикергә килделәр.