Халыкка социаль хезмәт күрсәтү комплекслы үзәге белгечләре социаль хезмәтләр алучылар белән эшләүнең яңа рәвешләрен кулланалар
Авиатөзелеш районы бүлегенең дистанцион формасы кысаларында социаль куркыныч хәлдә булган гаиләләр белән аудио-конференцияләр үткәрелде. Хәзерге вакытта өлкәннәр һәм балалар үз торакларының чикләнгән киңлегендә вакытны үткәрү ихтыяҗын белән очрашалар. Балигъ булмаган балаларның эшчәнлеген грамоталы оештыру максатыннан ата-аналарга "Казан шәһәре" шәһәр округында халыкка социаль хезмәт күрсәтү комплекслы үзәге" дәүләт автоном социаль хезмәт күрсәтү учреждениесе хезмәткәрләре Instagram социаль челтәрендә балалар өчен онлайн-дәресләр үткәрү турында мәгълүмати материал бирелде. Клиентларга профильнең адресы, аңа тоташтыру тәртибе, үткәрү графигы аңлатылды һәм мастер-классларның темалары яктыртылды.
Моннан тыш, ата-аналарга үз-үзеңне изоляцияләү режимын бозмаска киңәш ителде. Кирәк булганда, яшәү урыныннан чыгып китәргә, цифрлы пропусклар сервисыннан файдаланырга һәм смс-рөхсәт алганнан соң гына эш итәргә кирәк. Әңгәмәдәш-балигъ булмаганнарның законлы вәкиле телефонына WhatsApp мобиль платформасы ярдәмендә "Пандемия вакытында алдакчылардан сакланыгыз" дигән белешмәлек таратылды.
Үз-үзеңне изоляцияләү чорында гаиләләр белән дистанцион эшләү ысуллары
Үз-үзеңне изоляцияләү режимы белән бәйле Мәскәү районы гаилә һәм балаларга социаль ярдәм бүлеге белгечләре аудио- һәм видео-элемтәләрне кулланып, социаль хезмәт күрсәтүдә торган балигъ булмаган балаларның ата-аналары белән, "Ата-аналарны гомуми укыту" циклыннан, яраклаштырылган шәхси һәм төркемле дистанцион шөгыльләр уздырдылар.
"Баланың үсешенә һәм тәрбиясенә сәламәт яшәү рәвешенең йогынтысы", "Балаларның буш вакытын оештыру" шөгыльләре ата-аналарга үз-үзеңне изоляцияләү шартларында балаларның көн тәртибен оештыруда ярдәм итүгә юнәлдерелгән. Ата-аналарга сәламәтлек саклау технологияләрен кулланып балалар белән бергә ял итү, коронавирус инфекциясе таралуга юл куймау буенча куркынычсызлык чараларын үтәү буенча киңәшләр бирелде.
WhatsApp программы ярдәмендә тиз вакытта хәбәрләр алмашу өчен психолог җитәкчелегендә ата-аналарның "Гаиләгә ярдәмгә" төркеме оештырылды. Шулай итеп, ата-аналар өстәмә мәгълүмат һәм психолого-педагогик ярдәм алалар, килеп туган сорауларны тикшерәләр, уңышлары белән бүлешәләр. Мөмкинлекләре чикле балалар тәрбияләүче гаиләләргә аерым игътибар бирелә.
Дистанцион режимда социаль-психологик ярдәм
Профилактика һәм коронавирус йогышын булдырмау буенча кабул ителгән чаралар нигезендә Киров районы гаилә һәм балаларга социаль ярдәм бүлеге дистанцион режимда эшли.
Бүлек психологлары шулай ук социаль-психологик хезмәтләр күрсәтүне дәвам итәләр: социаль хезмәт алучыларга шәхси һәм төркемле консультацияләр, психологик ярдәм күрсәтелә.
Консультацияләр гаиләләрдә уңай эмоциональ кәефне саклап калуга, психологик балансны җайга салуга, эчке ресурсларны ачу һәм мобилизацияләүгә, социаль-психологик проблемаларны хәл итүгә юнәлдерелгән.
Үз-үзеңне изоляцияләү чорында гаиләләргә дистанцион консультация бирү
Гаилә һәм балаларга социаль ярдәм күрсәтү бүлеге белгечләре пандемия вакытында социаль хезмәт алучылар белән дистанцион режимда эш оештырдылар.
Социаль хезмәтләрдән файдаланучыларга ярдәм итү максаты белән Халыкка социаль хезмәт күрсәтү комплекслы үзәге белгечләре ата-аналарга коронавирус инфекциясе таралуны профилактикалау, үз-үзеңне изоляцияләү кирәклеген үтәү мәсьәләсе буенча консультация бирәләр.
Гаиләләр белән үз сәламәтлегеңне саклау, балаларны үз-үзеңне изоляцияләү вакытында сәламәт яшәү рәвеше күнекмәләренә өйрәтү турында дистанцион консультацияләр үткәрелә. Шул ук вакытта көн тәртибен үтәүгә, даими физик йөкләнешкә, иртәнге зарядкага, шулай ук сәламәт туклануга басым ясарга киңәш ителә.
Социаль хезмәтләр алучыларга мессенджерлар аша "COVID-19 профилактикасы", "Сәламәт бул!", "Көнкүреш травматизмы" белешмәлекләре җибәрелгән.
Хезмәтләр алучылар бүлек белгечләре белән үзләренең уңышлары белән уртаклашалар, башкарылган биремнәрнең видеоязмаларын һәм фотоларын җибәрәләр, тәэсирләре һәм уңышлары белән уртаклашалар.
#Без ярдәм итәбез!
Халыкка социаль хезмәт күрсәтү комплекслы үзәге белгечләре Казан шәһәре Башкарма комитетына мохтаҗ гражданнарга, шул исәптән социаль куркыныч хәлдә булган гаиләләргә һәм балигъ булмаган балаларга алимент алмаучы гаиләләргә азык-төлек җыелмалары китерү эшендә ярдәм иттеләр.
Страница 97 из 272
