Өлкән яшьтәге кешеләр көне декадасы кысаларында гаилә һәм балаларга социаль ярдәм бүлеге белгечләре “Акыллылык китабы” шөгылен уздырдылар

   5нче октябрь, җомга, 2018нче ел

   Өлкән яшьтәге кешеләр көне декадасы кысаларында Яңа Савин районы гаилә һәм балаларга социаль ярдәм бүлеге белгечләре “Акыллылык китабы” шөгылен уздырдылар.

   Шөгыльнең максаты: өлкән яшьтәге кешеләргә, гаилә гореф-гадәтләренә ихтирамлы мөнәсәбәт тәрбияләү.

   Балалар шөгыль барышында рәхәтләнеп үзләренең әби-бабайлары, ни өчен аларны кадерләүләре һәм бергә вакыт уздырулары турында сөйләделәр. Бу хәтирәләрне балалар үзләренең гаилә Акыллылык китабына яздылар, аның тышлыгына нәсел агачын ясадылар һәм гаилә әгъзаларының фотоларын урнаштырдылар. Шулай итеп, һәр гаиләнең Акыллылык китабы булды, балалар аларны өйләренә, әти-әниләре белән бергәләп үзләренең гаиләләре турында мәгълүмат туплар өчен алып кайтып киттеләр.

Өлкән яшьтәге кешеләр көне декадасы кысаларында гаилә һәм балаларга социаль ярдәм һәм өйдә социаль хезмәт күрсәтү бүлекләре “Вакыт һәм буыннар бәйләнеше җимерелгесез” социаль акциясе уздырдылар

   5нче октябрь, җомга, 2018нче ел

   Өлкән яшьтәге кешеләр көне декадасы кысаларында Авиатөзелеш һәм Киров районнары гаилә һәм балаларга социаль ярдәм һәм өйдә социаль хезмәт күрсәтү бүлекләре “Вакыт һәм буыннар бәйләнеше җимерелгесез” социаль акциясе уздырдылар.

   Социаль хезмәт күрсәтүдә торган гаиләләрнең балигъ булмаган балалары акциягә әзерләнеп, “Йөрәктән йөрәккә” мастер-классында өлкән яшьтәге кешеләр өчен матур эшләнмәләр һәм открыткалар әзерләделәр. Һәр эшкә сәламәтлек, тынычлык һәм игелеклелек теләкләре дә кушылды.

   Акция кысаларында өйдә социаль хезмәт күрсәтү бүлеге белгечләре өлкән яшьтәге кешеләрне өйләрендә котладылар, бүләкләр һәм балаларның эшләнмәләрен тапшырдылар.

Өлкән яшьтәге кешеләр декадасына туры китерелгән чаралар кысаларында гаилә һәм балаларга социаль ярдәм бүлеге белгечләре “Вакыт һәм буыннар бәйләнеше җимерелгесез” акциясе уздырдылар

   4нче октябрь, пәнҗешәмбе, 2018нче ел

   Өлкән яшьтәге кешеләр декадасына туры китерелгән чаралар кысаларында Идел буе һәм Совет районнары гаилә һәм балаларга социаль ярдәм бүлеге белгечләре “Вакыт һәм буыннар бәйләнеше җимерелгесез” акциясе уздырдылар.

   Акциянең максаты: өлкән буын вәкилләренә ихтирамлы, игътибарлы, кайгыртучан мөнәсәбәт тәрбияләү.

   Акция барышында балигъ булмаган балалар тематик котлау открыткалары һәм паннолар әзерләделәр, шулай ук көзге бәйләмнәр җыйдылар, аларны ялгыз яшәүче өлкән яшьтәге кешеләргә бүләк иттеләр.

   Балалар үзләре ясаган сувенирларны тапшырдылар һәм өлкәннәргә теләкләрен җиткерделәр, өлкәннәр игътибарга һәм үсеп килүче буын белән аралашуга мөмкинлеккә шатландылар.

Өлкән яшьтәге кешеләр декадасы кысаларында өйдә социаль хезмәт күрсәтү бүлеге белгечләре “Чиста өй” хәйрия акциясе оештырдылар

   4нче октябрь, пәнҗешәмбе, 2018нче ел

   Өлкән яшьтәге кешеләр декадасы кысаларында Совет районы өйдә социаль хезмәт күрсәтү бүлеге белгечләре “Россия гадел хөкем академиясенең” Казан филиалы, Казан элемтә электротехникумы студент-волонтерлары белән берлектә “Чиста өй” хәйрия акциясе оештырдылар.

   Акция кысаларында волонтерлар Бөек Ватан сугышы ветераннарының, социаль хезмәт алучы өлкән яшьтәге кешеләрнең фатирларын җыештырырга ярдәм иттеләр.

   Социаль хезмәт алучылар волонтерларга һәм бүлек белгечләренә күрсәткән ярдәм өчен үзләренең рәхмәтләрен белдерделәр.