15нче ноябрь, пәнҗешәмбе, 2018нче ел
Идел буе районы гаилә һәм балаларга социаль ярдәм бүлеге психологы “Таулы-Әмәт урманы” паркының “Йорт” Эко-үзәк базасында, сәламәтлекләре чикле балалар өчен, “Мин һәм минем әйләнә-тирәмдәге дөнья” циклыннан “Без бергә” үстерелешле төркемле шөгыль уздырдылар.
Шөгыльнең максаты: сәламәтлекләре чикле балаларның коммуникатив, эмоциональ, хәрәкәт һәм акыл өлкәләрен үстерү.
Балалар шөгыль барышында “Тупны бир”, “Парны тап” уеннары аша аралашуны башларга һәм дәвам итәргә өйрәнделәр, “Экология” темасы буенча биремнәр башкарганда креативлык һәм әйләнә-тирә дөньяны белүләрен күрсәттеләр. Уртак рәсем ясау буенча коллектив иҗади эш аралашу күнекмәләрен, хезмәттәшлекне үстерүгә, шуның белән бергә индивидуальлек һәм уйлап табучанлыкларын күрсәтергә ярдәм итте.
Психолог фикере буенча, арт-терапия элементлары белән үстерелешле төркемле шөгыльләр уздыру сәламәтлекләре чикле балаларга аралашуда үзләренең индивидуальлекләрен белдерергә һәм социаль үзара тәэсир итешүдә яңа тәҗрибә алырга ярдәм итә.
13нче ноябрь, сишәмбе, 2018нче ел
“Үзеңне аңла” программасы кысаларында Яңа Савин районы гаилә һәм балаларга социаль ярдәм бүлеге психологы, социаль хезмәт күрсәтүгә мохтаҗ гаиләләрнең балигъ булмаган балалары өчен, “Конфликтларсыз яшәү” төркемле шөгыле уздырды.
Шөгыльнең максаты: конструктив үзара ярдәм итешү күнекмәләре формалаштыру.
Балалар белән шөгыль барышында конфликтның асылы, аның табигате һәм алдагы аралашуга тәэсире турында интерактив әңгәмә үткәрелде, катнашучылар конфликтны чишүнең ысуллары турында үзләренең күзаллаулары белән бүлештеләр, психолог җитәкчелегендә конфликтлы хәлләрдә үзеңне тоту стратегиясен эшләп чыгардылар.
13нче ноябрь, сишәмбе, 2018нче ел
Яңа Савин районы гаилә һәм балаларга социаль ярдәм бүлеге психологы, социаль хезмәт күрсәтүдә тоган гаиләләрнең балигъ булмаган балалары өчен, “Мин-яхшы” циклыннан “Теләмим һәм Булдырмыйм” шөгыле уздырды.
Шөгыльнең максаты: үзен тотышны эмоциональ көйләүне үстерү, хәвефлелекне киметү һәм кисәтү, уңай кызыксынулар формалаштыру.
Балалар белән шөгыль барышында арганлыкны җиңү ысуллары, ял төрләре һәм уңышка юллар турында интерактив әңгәмә үткәрелде. “Ялкау йолдызчык” психотерапевт әкияте белән эшләү һәм “Юлдагы каршылыклар” визуаль күнегүен башкару катнашучыларга үзләренең ялкаулыкларының сәбәбен, аны җиңүнең нәтиҗәле ысулларын белергә ярдәм итте.
Тикшерүнең ахырында катнашучылар “Уңыш = үз-үзеңә ышану + тырышлык” үзенчәлекле тормыш формуласын китереп чыгардылар.
12нче ноябрь, дүшәмбе, 2108нче ел
Халыкара Әниләр көне алдыннан Совет районы гаилә һәм балаларга социаль ярдәм бүлеге психологы, социаль яраклашуда авырлыклары булган балигъ булмаган балалар өчен,”Төсләр дөньясында” төркемле шөгыле уздырды.
Шөгыльнең максаты: социаль яраклашу, аралашу күнекмәләре формалаштыру, Әнигә карата рәхмәт һәм хөрмәт хисләре тәрбияләү.
Шөгыль психологик тренинг элементлары белән сәяхәт формасында узды. Балалар “Әниләр көне” видеопрезентациясен карадылар, бәйрәм тарихы, аның төрле илләрдәге гореф-гадәтләре белән таныштылар, үзләренең гаиләләрендә бу көнне ничек уздырулары турында сөйләделәр. “Минем әнием иң яхшысы, чөнки...” һәм “Әнинең хисләре” тренинг күнегүләрен башкару катнашучыларга әнигә һәм аның гаиләдәге роленә сакчыл һәм ихтирамлы мөнәсәбәтнең мөһимлеген аңларга ярдәм иттеләр.
Балалар әниләр турында шигырьләр сөйләделәр һәм ташларны бизәү буенча мастер-класста катнаштылар. Яшь дизайнерлар үзләренең әниләренә әзер эшләрен Әниләр көнендә бүләк итәчәкләр.
Шөгыль аралашу күнекмәләрен формалаштырырга, үзбәяне арттырырга, иҗади сәләтләрен үстерергә, әни роленең гаиләне ныгытуда мөһимлеген танырга ярдәм итте.
12нче ноябрь, дүшәмбе, 2018нче ел
Яңа Савин районы гаилә һәм балаларга социаль ярдәм бүлеге психологы, яшьтәшләре белән аралашуда кыенлыклары булган балигъ булмаган балалар өчен, тренинг элементлары белән “Аралашу кыйммәте” төркемле шөгыле уздырды.
Шөгыльнең максаты: нәтиҗәле аралашу күнекмәләре формалаштыру, коммуникатив потенциалны үстерү.
Шөгыльдә катнашучылар коммуникатив компетентлык дәрәҗәсен тикшерү уздылар. Уңай шәхесара аралашу күнекмәләрен формалаштыру максаты белән “Чукрак телефон”, “Вакыйга иҗат итү”, “Крокодил” күнегүләре уздырылды.
Бергә уйлап чыгарылган вакыйга буенча коллектив рәсем ясау үзләрен иҗади тормышка ашыруда иркенлек тою, активлык, килешә, хыяллана белүне үстерүгә, төркемдә бергә эшләгәндә максатка ирешүгә ярдәм итте.
- Гаилә һәм балаларга социаль ярдәм бүлегендә “Бердәмлектә көч” социаль проекты старт алды
- Гаилә һәм балаларга социаль ярдәм бүлеге психологлары балигъ булмаган балаларда әйләнә-тирә дөньяны уңай кабул итүгә омтылыш формалаштыралар
- Гаилә һәм балаларга социаль ярдәм бүлеге психологы балигъ булмаган балаларда булачак һөнәрне сайлауга мотивация формалаштыралар
- Гаилә һәм балаларга социаль ярдәм бүлеге психологы балигъ булмаган балаларда толерант шәхес сыйфатлары формалаштыралар
