21нче май, пәнҗешәмбе, 2020нче ел
Халыкка социаль хезмәт күрсәтү комплекслы үзәгенең Авиатөзелеш, Вахитов, Яңа Савин районнарының гаилә һәм балаларга социаль ярдәм күрсәтү бүлеге белгечләре ярдәме белән социаль куркыныч хәлдә булган 12 гаиләгә шәхси компьютерлар бирелде.
Россия ИТ-компаниясе «ICL" гаиләләргә хәйрия ярдәме күрсәтте.
Эпидемиологик хәлнең начараюы сәбәпле, балигъ булмаган балаларга һәм аларның ата-аналарына мондый ярдәм мәктәп белеменең дистанцион формага күчүе, шулай ук социаль хезмәт күрсәтүдә торучы гаиләләрнең мөмкинлекләрен киңәйтү, видеоэлемтә ярдәмендә психологик, педагогик һәм социаль ярдәм алу өчен кирәк.
Техника тапшыру санитар куркынычсызлык нормалары һәм кагыйдәләре нигезендә башкарылды.
20нче май, чәршәмбе, 2020нче ел
Совет районы гаилә һәм балаларга социаль ярдәм бүлеге белгече «WhatsApp" мобиль кушымтасы ярдәмендә, социаль яраклашуда авырлыклар кичерүче балигъ булмаган бала белән "Сәламәт яшәү рәвеше культурасы" исемле шәхси дистант шөгыле уздырды.
Шөгыльнең максаты: баланың сәламәт яшәү рәвешенә булган ихтыяҗын формалаштыру.
Шөгыль барышында балигъ булмаган бала сәламәт туклану кагыйдәләре, көн тәртибен үтәү кирәклеге, коронавирус инфекциясе таралган чорда шәхси гигиена кагыйдәләре белән танышты. Аннары "Файдалы, зарарлы" интерактив уенында катнашты.
Шөгыль сәламәт яшәү рәвешенең төп кагыйдәләре, коронавирус йогышы таралуга юл куймау буенча профилактика чаралары белән таныштыруга ярдәм итте.
20нче май, чәршәмбе, 2020нче ел
Халыкка социаль хезмәт күрсәтү комплекслы үзәгенең гаилә һәм балаларга социаль ярдәм күрсәтү бүлеге белгечләре Казан шәһәре Башкарма комитетына мохтаҗ гражданнарга, шул исәптән социаль куркыныч хәлдә булган гаиләләргә һәм балигъ булмаганнарны тоту өчен алимент түләмәүче гаиләләргә азык-төлек җыелмалары китерүдә ярдәм итүләрен дәвам итәләр.
"Татарстан Республикасы ФармМедПолис" ҖЧҖ республика консалтинг компаниясе хәйрия акциясе кысаларында социаль куркыныч хәлдә булган гаиләләр өчен шәхси гигиена (битлек, перчатка, антисептика) чараларын бүлеп бирде.
Азык-төлек җыелмаларын китерү барлык куркынычсызлык чараларын үтәү белән башкарылды.
20нче май, чәршәмбе, 2020нче ел
Яшьләр арасында экстремистлык агымнарын кисәтү, балалар һәм яшүсмерләрдә терроризмга, милләтара һәм диниара аң формалаштыру буенча профилактик эш кысаларында «WhatsApp» мобиль кушымтасы ярдәмендә Яңа Савин районы гаилә һәм балаларга социаль ярдәм бүлеге белгече социаль адаптациядә кыенлыклар кичерүче балигъ булмаган балалар өчен "Үз- үзең һәм башкалар белән тынычлыкта яшәү" циклыннан " " дигән дистанцион шөгыль үткәрде.
Шөгыльнең максаты: толерантлык тәрбияләү, конфликтлы ситуацияләрне чишү күнекмәләрен үстерү.
Шөгыль барышында балалар "Тату гаилә" кытай мәсәлен тыңладылар һәм башкалар фикеренә карата ихтирамлы мөнәсәбәт формалаштыруга юнәлдерелгән "Толерант дөнья" һәм "Комплиментлар" күнегүләрен үтәделәр, үзара аралашуда барлыкка килгән конфликтлы ситуацияләрне хәл итү тәҗрибәсе белән уртаклаштылар.
Шөгыль катнашучыларның коммуникатив күнекмәләрен үстерүгә, конфликтлы ситуацияләрдән чыгуның конструктив ысулларын өйрәтүгә ярдәм итте.
20нче май, чәршәмбе, 2020нче ел
Сәламәт яшәү рәвешен пропагандалауга юнәлтелгән профилактик эшне оештыру кысаларында Вахитов районы гаилә һәм балаларга социаль ярдәм бүлеге белгече тарафыннан "Сәламәтлекне яшьтән сакла" циклыннан "Доктор Айболит янында кунакта" дигән онлайн-шөгыль үткәрелде.
Шөгыльнең максаты: балигъ булмаган балаларның сәламәт яшәү рәвешенә мотивациясен формалаштыру, сәламәт яшәү рәвеше кагыйдәләре һәм нормалары белән тотрыклы кызыксынуны үстерү.
Балалар белән интерактив әңгәмә барышында режимны үтәү, мәдәни-гигиена күнекмәләре, туклану культурасы, спорт белән шөгыльләнү, чыныгу, телевизор карау һәм компьютердан файдалану кебек мәсьәләләр каралды.
Шөгыль барышында сәламәт яшәү рәвеше кагыйдәләрен һәм нормаларын үтәгәндә үз-үзеңне тикшерү күнекмәләрен үстерүгә аерым игътибар бирелде.
