15нче май, чәршәмбе, 2019нчы ел

   “Бердәмлектә көч” проекты кысаларында Мәскәү районы гаилә һәм балаларга социаль ярдәм бүлеге белгечләре, социаль яраклашуда авырлыклар кичерүче балигъ булмаган һәм шулай ук сәламәтлекләре чикле балалар өчен, “Төсле кәеф” төркемле шөгылен уздырдылар.

   Шөгыльнең максаты: эмоциональ сфераны һәм коммуникатив күнекмәләрне үстерү.

   Шөгыль “Төсле кәеф” тренинг күнегүеннән башланды, ул балаларга үзләре турында төсләр ярдәмендә сөйләргә мөмкинлек бирде. “Көн шатлыгы” уенлы күнегүе уңай кәеф һәм иҗади атмосфера булдырырга ярдәм итте.

   Төп өлеш “Бердәмлектә көч” мультипликацион фильмын ясау буенча иҗади остаханәдә эшләүгә бирелгән иде. Мультфильмга декорацияләр ясаганда командада эшләп балалар үзләренең иҗади сәләтләрен күрсәтә, үзләрен уңышлы итеп тоя алдылар.