11нче июнь, сишәмбе, 2019нчы ел

   “2016-2020нче елларга Россия Федерациясе гражданнарын патриотик тәрбияләү” дәүләт программасы кысаларында Вахитов районы гаилә һәм балаларга социаль ярдәм бүлегендә, социаль хезмәт күрсәтүдә торган гаиләләрнең балигъ булмаган балалары өчен, Россия көненә туры китерелгән “Безнең илебез Россия” циклыннан “Ватан нәрсәдән башлана?” төркемле шөгыле уздырылды.

   Шөгыльнең максаты: ватанпәрвәрлек, илебез тарихына кызыксыну, илебез һәм халкы өчен горурлык хисе тәрбияләү.

   Балалар шөгыль барышында илебез өчен тарихи мөһим булган вакыйгалар, Россия символикасы белән таныштылар, “Ватан нәрсәдән башлана?” документаль фильмын карадылар, илебез тарихы, бөек ватандашлар турында белделәр.

   Шөгыль ахырында балалар үз хисләрен һәм тәэсирләрен белдереп рәсемнәр ясадылар.