29нчы август, пәнҗешәмбе, 2019нчы ел
“Кояшка табан” социаль проекты кысаларында, Совет районы гаилә һәм балаларга социаль ярдәм бүлеге белгечләре, социаль хезмәт күрсәтүдә торган сәламәтлекләре чикле балалар белән “Хисләр ташкыны” чарасын уздырдылар.
Чараның максаты: сәламәтлекләре чикле балаларның социализациясе өчен шартлар тудыру, төркемдә ярдәмләшеп эшләү аша шәхси мөмкинлекләрне ачу.
“Кояшка табан” проекты бүлек белгечләре тарафыннан, сәламәтлекләре чикле балигъ булмаган балаларның шәхси мөмкинлекләрен аңлау аша уңышлы социаль-хезмәт яраклашуына ярдәм итү, хезмәт күнекмәләре һәм иҗади үзтормышка ашыру максаты белән эшләнде. Проектны тормышка ашыру барышында балалар “Шәһәр эколого-биология үзәге” базасында бакча үсемлекләрен утырту, үстерү, тәрбияләү буенча дәресләр алдылар. Бу күнекмәләрне өйрәнү максаты белән балалар үстерелгән чәчәкләрне ишегалдын бизәп газоннарга утырттылар. Мондый социаль-хезмәт флешмобы чыннан да балаларга хисләр ташкыны бүләк итте, алар үз хезмәтләре нәтиҗәсендә ишегалды мәйданының матурлануын күрделәр, бу микрорайонда яшәүчеләр өчен Шәһәр көненә бүләк булды.
Чара балигъ булмаган балаларның уңай социаль-хезмәт яраклашуына, коммуникатив күнекмәләрнең үсешенә, командада эшли белүгә, үзтормышка ашыруга ярдәм итте.
