10нчы июль, җомга, 2020нче ел

   Идел буе районы гаиләгә һәм балаларга социаль ярдәм күрсәтү бүлеге белгечләре тарафыннан балигъ булмаган балалар белән, Гаилә, мәхәббәт һәм тугрылык көненә багышланган “Минем гаиләм - минем байлыгым” дигән төркемле шөгыль үткәрелде.

   Шөгыльнең максаты: гаилә тормышы кыйммәтләренә, гаилә мөнәсәбәтләренә һәм гореф-гадәтләргә уңай мөнәсәбәт формалаштыру.

   Шөгыль кысаларында һәр кеше тормышында гаиләнең әһәмияте турында әңгәмә үткәрелде. Катнашучылар гаилә турындагы мәкальләрне һәм әйтемнәрне искә төшерделәр, шаян викторинада, "Гаилә гореф-гадәтләре","Гаилә ни өчен кирәк?","Төгәлләнмәгән җөмләләр" күнегүләрендә катнаштылар. Аннары балалар белән саф һавада "Диңгез шаулый?", "Предметларның сурәте", "Көзгеләр кибетендә" хәрәкәтчән уеннар үткәрелде.

   Шөгыль арт-терапевтик бирем белән тәмамланды: балалар асфальтта төрле төстәге акбур белән өй һәм бәйрәм символы - ромашка ясадылар.

   Белгечләр сүзләренчә, мондый шөгыльләрне үткәрү, нәкъ менә гаиләдә без мәхәббәткә, җаваплылыкка, кайгыртуга һәм хөрмәткә өйрәнәбез, якыннарыбызга үз кирәклеген тоемлауга, сине көткән һәм яраткан җирнең бар икәненә инануга ярдәм итә.