13нче октябрь, сишәмбе, 2020нче ел

   Вахитов районы гаиләгә һәм балаларга социаль ярдәм күрсәтү бүлеге белгечләре социаль контракт кысаларында социаль хезмәт күрсәтүдә торучы аз керемле гаиләгә дәүләт социаль ярдәмен рәсмиләштерүдә ярдәм итәләр. Гаиләдә дүрт бала тәрбияләнә, шуларның берсе сәламәтлек мөмкинлекләре чикләнгән бала. Гаилә шәхси йортта яши, газ миче эксплуатацияләүгә яраксыз дип табылган. Балалары булган гаиләләргә, шулай ук күп балалы гаиләләргә социаль ярдәм күрсәтүнең өстәмә чаралары кысаларында акча бүлеп бирелгән, гаиләгә яңа газ җиһазлары сатып алынган һәм урнаштырылган, бу балаларның яшәү шартларын яхшыртуга ярдәм итә. Шулай ук балалар өчен яңа кием-салым, аяк киеме, мәктәп кирәк-яраклары, уенчыклар сатып алынган.