ГАУСО "Комплексный центр социального обслуживания населения в городском округе "г. Казань"

“Бердәмлектә көч” проекты кысаларында “Дуслык турында сюжетлар” төркемле шөгыле

   29нчы март, җомга, 2019нчы ел

   Мәскәү районы гаилә һәм балаларга социаль ярдәм бүлеге белгечләре “Бердәмлектә көч” проекты кысаларында, социаль яраклашуда авырлыклар кичерүче һәм сәламәтлекләре чикле балигъ булмаган балалар өчен, “Дуслык турында сюжетлар” төркемле шөгылен уздырдылар.

   Шөгыльнең максаты: коммуникатив күнекмәләрне, эмпатияне һәм башка кешеләргә карата сизгерлекне үстерү.

   Катнашучылар шөгыль башында үзләрен әкият геройлары белән чагыштырып “Әкияти образ” интерактив күнегүен башкардылар, кешеләр белән үзара гармонияле мөнәсәбәтләр төзү өчен нинди сыйфатлар кирәклеге турында сөйләделәр. “Пыяла аша” тренинг уены балаларга үзләрен иркен хис итәргә, уңай кәеф булдырырга ярдәм итте, катнашучыларга интерактив тактада башкарган “Рәсемне ясап бетер” күнегүе бер-берсенә сизгерлек һәм игътибарлылык күрсәтергә мөмкинлек бирде.

   Шөгыль ахырында балалар “Дуслык турында сюжетлар” мультипликацион фильмын ясау буенча остаханәдә иҗат мохитенә чумдылар.

Балигъ булмаган яшүсмер кызлар өчен “Без һәм безнең сәламәт киләчәгебез” профилактика шөгыле

   29нчы март, җомга, 2019нчы ел

   Профилактика эше кысаларында Авиатөзелеш районы гаилә һәм балаларга социаль ярдәм бүлеге һәм Казан шәһәре Авиатөзелеш районы 11нче номерлы Хатын-кызлар консультациясе белән берлектә балигъ булмаган яшүсмер кызлар өчен “Без һәм безнең сәламәт киләчәгебез” профилактика шөгылен уздырдылар.

   Шөгыль яшүсмер кызларның репродуктив сәламәтлеген саклау һәм теләмәгән йөклелек профилактикасы максаты белән уздырылды.

   11нче номерлы Хатын-кызлар консультациясе мөдире кызларга иртә йөклелекнең, бала төшерүнең зыяны, теләнмәгән йөклелектән саклану чаралары турында мәгълүмат җиткерде. Гинеколог-табиб кызларны җенес системасының төзелеше һәм авырулары, шәхси гигиена белән таныштырды, тәмәке тарту, исерткеч эчемлекләр һәм наркотик матдәләр куллануның зыяны турында сөйләде, бу очрашуда катнашучыларда сәламәт яшәү рәвеше турында белемнәр формалаштырырга ярдәм итте.

   Дөрес туклану һәм көн тәртибе темалары тикшерелде, чөнки алар тулы акыл һәм физик эшчәнлекнең, сәламәтлекнең, эшкә сәләтлелекнең, яшәү дәвамлылыгының нигезе булып торалар. Шөгыльдә катнашучылар сәламәт яшәү рәвешен кеше аңлы рәвештә сайларга, бары тик шул очракта гына файда китерүен билгеләделәр.

   Очрашу тәмамлангач катнашучыларга “Сәламәт тәндә-сәламәт акыл” мәгълүмати буклетлары тапшырылды.

“Җиңү волонтерлары” Бөтенроссия җәмәгать юнәлеше вәкилләре катнашында “Яхшылыкка минем юлым” тренингы

   25нче март, дүшәмбе, 2019нчы ел

   “Бер-берең өчен” Иреклеләр мәктәбе” социаль проекты кысаларында Идел буе гаилә һәм балаларга социаль ярдәм бүлеге белгечләре “Яхшылыкка минем юлым” тренинг чарасын уздырдылар.

   Тренингта “Җиңү волонтерлары” Бөтенроссия җәмәгать юнәлеше вәкилләре катнаштылар, алар балигъ булмаган балаларны үзләренең эшчәнлекләре белән таныштырдылар, “Россиянең үлемсез полкы” акциясе, акцияне ничек оештыру һәм уздыру турында сөйләделәр, ветеран оешмалары белән эш, һәр ветеранга якын килүне табу тәҗрибәсе белән уртаклаштылар. “Җиңү хаты” Бөтенроссия акциясе кысаларында балалар ветераннарга хатлар яздылар, аларда үзләре һәм кызыксынулары турында сөйләделәр, үзләренең теләкләрен белдерделәр.

   Чара барышында балалар шулай ук “Минем тарихым” Бөтенроссия проекты белән дә таныштылар һәм үзләренең гаилә агачын төзи башладылар.

   Очрашуның нәтиҗәсе булып “Җиңү волонтерлары” Бөтенроссия җәмәгать юнәлеше белән берлектә ветераннар өчен ирекле акцияләр һәм патриотик һәм тарихи квестларда катнашуны планлаштыру булды.

“Хатын-кызларга һәм балаларга карата өйдә көч куллану очрагы белән идарәләр арасында эш алымнары” Бөтенроссия семинар-тренингы

   29нчы март, җомга, 2019нчы ел

   2019нчы елның 26-28нче мартында Түбән Новгородта “Түбән Новгород Хатын-кызлар Кризис Үзәге” Түбән Новгород Өлкә Җәмәгать Оешмасы оештырган һәм уздырган “Хатын-кызларга һәм балаларга карата өйдә көч куллану очрагы белән идарәләр арасында эш алымнары” Бөтенроссия семинар-тренингы булып узды. Семинарда Мәскәү районы гаилә һәм балаларга социаль ярдәм бүлеге мөдире Чинь А. Р. катнашты. Тренингта социаль хезмәт, кризис үзәкләре, җәмәгать оешмалары вәкилләре катнаштылар.

   Семинар-тренинг барышында өйдә көч куллану очрагының теоретик һәм гамәли эш нигезләре, өйдә көч куллану корбаннарына юридик һәм психологик ярдәм күрсәтү аспектлары тикшерелде, дөньяда һәм Россиядә өйдә көч кулланудан зыян күргән кешеләргә ярдәм хезмәтләре аталды. Зыян күрүчеләргә эффектив ярдәм күрсәтүгә комачаулаучы проблемалар билгеләнде.

   Тренинг барышында материалны “кинотренинг”, “акыл штурмы”, “рольле уен”, “дискуссия” кебек интерактив формада бирү кулланылды, төрле психологик күнегүләр һәм уеннар тренингта катнашучыларның һәрберсен эш процессына тарттылар һәм өйрәнелә торган материалны кабул итүне күпкә җиңеләйттеләр.

   Катнашучыларга Түбән Новгород шәһәре һәм Түбән Новгород өлкәсенең социаль хезмәтләре җитәкчеләре һәм белгечләре белән түгәрәк өстәл хатын-кызларга һәм балаларга карата өйдә көч куллану очрагы белән идарәләр арасында эш алымнары буенча регионнарның эффектив практикалары белән алышырга ярдәм итте. Түбән Новгород “Лада” Гаилә үзәге Җәмәгать Оешмасына экскурсия практик-ориентлашу характерында иде, ул социаль-педагогик һәм социаль-психологик хезмәт өлкәләрендә ярдәм күрсәтүдә тәҗрибә алышырга һәм белемнәрне, осталык һәм күнекмәләрне күтәрүгә ярдәм итте.