8нче май, чәршәмбе, 2019нчы ел

   Бөек Ватан сугышында Җиңүнең 74-еллыгын бәйрәм итүгә әзерләнү һәм уздыру чаралары планы кысаларында, өйдә социаль хезмәт күрсәтүдә торган ветераннар өчен, “Чиста йорт!” акциясе старт алды.

   “Чиста йорт” Хәйрия акциясе барышында социаль хезмәткәрләр Казан (Идел буе) федераль университеты волонтерлары белән берлектә Бөек Ватан сугышы ветераннарының фатирларын, йорт тирәсен җыештыруда ярдәм күрсәттеләр.

   Бөек Ватан сугышында Җиңү көне алдыннан Вахитов районы өйдә социаль хезмәт күрсәтү бүлегенең социаль эш буенча белгечләре “Виртуаль туризм” технологиясен кулланып социаль хезмәт алучылар белән шәхси шөгыльләр уздырдылар.

   Росииянең каһарман-шәһәрләре: Севастополь, Керчь, Новороссийск, Смоленск һәм Волгоград буенча виртуаль сәяхәт социаль хезмәт алучыларны илебезнең батырларча саклау һәм хәрби дан урыннары, Совет Армиясенең һәлак булган солдатларына куеган мемориаллар һәм һәйкәлләр белән танышырга мөмкинлек бирде.

   1941-1945 еллар Бөек Ватан сугышында Җиңүнең 74-еллыгын бәйрәм итү чаралары планы кысаларында Вахитов районы өйдә социаль хезмәт күрсәтү бүлеге белгечләре “9нчы май. Ничек булды...” бәйрәм стенгазетасын чыгардылар.

   Стенгазета чыгару өчен социаль хезмәт алучы Бөек Ватан сугышында катнашучылар, инвалидлар, тыл хезмәтчәннәренең бу бөек көн турында хәтирәләре, бөтен ил белән нәрсә хис иткәннәре турында сөйләгәннәре кулланылды.

   Чараның максаты- Бөек Ватан сугышы ветераннарын хөрмәтләү.

   Чакырылган ветераннар рестораннарның уңайлы һәм рәхәт мохитендә төшке аш ашадылар, сугыш еллары көйләрен тыңладылар, үзара аралаштылар һәм яшьлек елларын искә төшерделәр.