8нче май, җомга, 2020нче ел

   Социаль хезмәтләр күрсәтүнең дистанцион формасы кысаларында Идел буе районы гаилә һәм балаларга социаль ярдәм күрсәтү бүлеге белгече "Куркынычсызлык әлифбасы" дип исемләнгән видео - консультация үткәрде.

   Үз-үзеңне изоляцияләү һәм дистанцион укыту формасына күчү чорында балалар күп вакытны өйдә уздыралар, шуңа бәйле рәвештә, өйдә куркынычсыз тәртип темасы хәзерге вакытта аеруча актуаль.

   Консультациянең максаты: балалар травматизмын кисәтү, үз-үзеңне изоляцияләү чорында баланың куркынычсыз тәртип кагыйдәләре белән танышу.

   Консультация кысаларында баланы көндәлек куркынычлардан саклап калу өчен күрелгән төп чаралар каралды.

   Ата-аналарга бала белән куркыныч булган очракта бала шалтырата ала торган ашыгыч хезмәт телефоннары белән куркынычсызлык почмагы булдыру буенча киңәшләр бирелде.

   8нче май, җомга, 2020нче ел

   Яңа Савин районы гаилә һәм балаларга социаль ярдәм бүлеге психологы WhatsApp мобиль кушымтасы аша социаль хезмәт алучы балигъ булмаган балалар белән "Минем хисләрем" дигән видео-консультация үткәрелде.

   Консультациянең максаты:

   -психоэмоциональ киеренкелекне бетерү;

   - үз-үзеңне изоляцияләү кысаларында яңа яшәү һәм укыту шартлары белән бәйле тормыш авырлыкларын җиңеп чыгу өчен үз-үзеңне җайга салу күнекмәләренә өйрәтү.

   Видео-консультациягә уңай кәеф күңелле һәм актив психологик уеннар («Төрле учлар" күнегүләре) ярдәмендә формалаша. Әңгәмә, баланың килеп туган ситуациядә үзен ничек хис итүе турында, "Гномс гаиләсе" уеныннан күрсәтмә карточкалар кулланып үткәрелде. Дистанцион укытуда кыенлыкларны җиңеп чыгу өчен яшүсмер кызга игътибар концентрациясен һәм үз-үзеңне контрольдә тотуны үстерүгә юнәлдерелгән "Көзге" күнегүен кулланырга тәкъдим ителде. Үз-үзеңне изоляцияләү вакытында барлыкка килгән тискәре эмоцияләрне җиңү өчен "Кәефем танымаслыклары" арт-терапия күнегүе үткәрелде. Гаиләдә уңай хәлне һәм атмосфераны саклау өчен балигъ булмаган кыз үзе гаилә әгъзалары белән башкара ала торган "Мин кояш нурларында" дигән күнегү күрсәтелде.

   Бөек Ватан сугышында җиңүнең 75-еллыгы уңаеннан ТНВ каналында "Батырларга хатлар" проекты старт алды. Һәркем сугышта һәлак булган ата-бабасына - бабасына һәм яраткан туганына хат яза ала.

   Киров районы гаилә һәм балаларга социаль ярдәм бүлеге социаль педагогы, 1943 елның мартында хәбәрсез югалган абыйсы Моталлабка хат язып, әлеге проектта катнашты. Ул кече лейтенант исемендә булган. 190нчы укчы полкының 5 нче укчы дивизиясенең укчылар взводы белән җитәкчелек иткән.

   Хатны 9 майда ТНВ телеканалы аша "Җиңү көне" телемарафонында "Батырларга хатлар" рубрикасында укыячаклар.

   Социаль педагог Гаффанова Миләүшә менә ниләр сөйләде: "Минем, кыйммәтле истәлекләр - 79 ел буе саклаган хатлар турында абыем сөйләр өчен мөмкинлек туды. Безнең гаилә Моталлаб абый турында һәрвакыт хәтерли. Без аны әлегә кадәр эзлибез. Ул - 18 яшьлек малай фронтка китә. Сугыш булмаса, абыем рәссам яки китап бизәүче булыр иде-ул бик яхшы рәсем ясый иде. Шулай ук хатта мин аның туганнарының казанышлары турында да сөйләдем. Аларның берсе дә безнең батырыбызның намусына тап төшермәде: барысы да республикабыз, илебезнең чәчәк атуы өчен хезмәт куйдылар һәм эшлиләр. Икенче абыем-Габдулла офицер исемендә сугыша. 1943 елда яралана. Гомере ахырына кадәр укытучы булып эшли, 1953 елда башына кыйпылчык тиюдән алган яралардан вафат була. Безнең гаилә Җиңүнең 75- еллыгын һәм ТАССРның 100 еллыгын бай һәм кызыклы тарихы белән каршылый.

   Без Ватаныбыз өчен көрәшкән батырларга бәхетебез өчен чын күңелдән рәхмәтле. Без Бөек Ватан сугышында Җиңүне якынайткан һәркем турында истәлекләрне кадерләп саклыйбыз.

   8нче май, җомга, 2020нче ел

   Вахитов районы гаилә һәм балаларга социаль ярдәм бүлеге психологы балигъ булмаган балалар белән үз-үзеңне танып белүгә омтылышны формалаштыруга, үз-үзеңә ышанычны арттыруга юнәлдерелгән шәхси шөгыльләр үткәрә.

   Үз-үзеңне изоляцияләү чорында шәхси ресурсларга, төрле кыенлыкларны һәм психоэмоциональ проблемаларны җиңү сәләтенә аерым игътибар бирү мөһим.

   "Үз-үзеңә юл" темасына дистанцион консультация бирү үз-үзеңне танып белүгә омтылышны формалаштыруга, көчле сыйфатларны танып белү сәләтен үстерүгә юнәлдерелгән.

   Консультация барышында үз-үзеңне бәяләү диагностикасы үткәрелде, шәхси үзенчәлекләре билгеләнде, эмоциональ проблемаларны хәл итәргә ярдәм итүче психологик алымнар күрсәтелде.

   Шөгыль мөстәкыйль рәвештә үз алдына максат куя белү һәм аңа ирешү юлларын билгеләү, үзләренең уңай сыйфатларын аңлау һәм үстерү, уңышка ирешүгә мотивация тудыру сәләтен үстерүгә ярдәм итте.